minibus hire Leeds cheap diesel near me uk web hosting online local minibus hire Mot History Check struga Lajm MOT check cloud hosting mortgage calculator online store Local minibus Hire Cheap Fuel Prices
Arbër Hoxha, kampion i Kroacisë në sezonin e parë me Dinamon - Shqiperia.info

Arbër Hoxha është shpallur kampion me Dinamo Zagrebin në Kroaci në sezonin e tij të parë atje.

Me fitoren 1:0 sot me golin e Arijan Ademit, edhe matematikisht Dinamo Zagreb e fitoi titullin e shtatë radhazi dhe të 25-tin në histori.

E Arbër Hoxha ishte mjaft i rëndësishëm në rrugëtimin e gjigantit kroat këtë sezon, shkruan Gazeta Express.

Paraqitjet e tij të mira me Slaven Belupon në stinorin vjeshtor, “detyruan” Dinamon të çelë kuletën dhe të shpenzojë një milion euro për shërbimet e sulmuesit shqiptar në janarin e këtij viti.

Hoxha menjëherë zuri një vend të rëndësishëm në skuadër. Ai shënoi dy gola dhe një asist në të gjitha garat për Dinamo Zagrebin.

Paraqitjet e tij solide bënë që ai vazhdimisht të kishte minuta në klubin më të madh kroat.

Goli i parë i tij në kampionatin kroat erdhi javën e kaluar, që ia dha një fitore të madhe në fund Dinamo Zagrebit.

Një gol dhe një asist tjetër, Hoxha i arriti në Ligën e Konferencës, ku edhe aty kishte paraqitje mjaft të mira, duke qenë prej më të dalluarëve në fushë.

Dinamo Zagrebi e ka siguruar të drejtën e paraqitjes në kualifikime për Ligën e Kampionëve dhe Arbër Hoxhën mund ta shohim sezonin e ardhshëm në skenën e garës më prestigjioze evropiane për klube.

Arbër Hoxha, kampion i Kroacisë në sezonin e parë me Dinamon / shkruan Gazeta Online Reporteri.net.

Share.
Exit mobile version