Komentatori Andin Lokaj ishte në thumb të sulmit mbrëmë.
Kjo pasi gjatë komentimit të ndeshjes Juventus-Inter në Art Motion, ai e quajti kryeministrin Kurti si “kryeministrin më hajvan në histori të njerëzimit”.
Në pjesën e dytë, Lokajn e larguan nga komentimi. Art Motion njoftoi se ka inicuar procedurë disiplinore ndaj Lokajt.
E komentatori Andin Lokaj ka thënë se këtë mesazh ka pasur synim ta jap në komentimet e tij menjëherë pas zgjedhjeve. Por, theksoi se deshi ta ruajë si “dhuratë për pavarësinë e Kosovës”.
“Dua ta sqaroj opinionin se ajo qe ka ndodhur mbrëmë e kam pasur të planifikuar menjëherë pas zgjedhjeve, por e lash dhuratë për ditën tonë të shenjtë të Pavarësisë”, ka thënë Lokaj.
Lokaj ka thënë se fjalët e tij ishin mesazh kundër autokracisë.
“Shpresoj që edhe kolegët e mi komentator të rajonit ta marrin këtë mesazh seriozisht ngase është mesazh kundër autokracisë”, ka thënë Lokaj për Nacionalen.
Andin Lokaj flet për herë të parë pasi e quajti “hajvan” kryeministrin Kurti / shkruan Gazeta Online Reporteri.net.
