Kryetari i Lidhjes Demokratike të Kosovës, Lumir Abdixhiku mori pjesë në eventin futbollistik të organizuar nga Komuna e Prishtinës për nder të 26 vjetorit të çlirimit të kryeqytetit kosovar.
Në ndeshjen e Yjeve, ku morën pjesë futbollistë e artistë të ndryshëm, Abdixhiku ishte në ekipin e Edon Zhegrovës dhe Albion Rrahmanit.
E pas ndeshjes e cila u mbyll pa fitues, 6:6, Abdixhiku i pati disa fjalë:
Unë, Edoni, Albioni, Mbappé e këta
Sonte, në lojën humanitare, në mbështetje të fëmijëve me nevojë, në përvjetorin e çlirimit të Prishtinës. Mes figurave të jashtëzakonshme të sportit e artit, mes djemve dhe vajzave të futbollit, atyre që sot shkëlqejnë e dikur kanë shkëlqyer.
Natyrisht, mes një publiku fantastik.
Përfunduam 6:6.
Ekipi i Edon Zhegrovës dhe ekipi i Milot Rashicës.
Trajneri Tovërlani më dha rolin e sulmuesit. Në njërin krah kisha Albionin, në tjetrin Edonin. Dhe, për të folur nga të del shpirti, në televizor, shpejtësia e tyre është marramendëse. Në fushë, ishte edhe më e frikshme.
Miqve e gjithë atyre që morën pjesë sonte, dhe kryetarit Rama, një falënderim i veçantë për pjesëmarrje dhe për këtë organizim.
Sidomos portierit tonë Vedatit; i cili në zhveshtore, mes të qeshurave siç di vetëm ai, na mori gjysmën e energjisë!
Abdixhiku: Unë, Edoni, Albioni, Mbappe e këta / shkruan Gazeta Online Reporteri.net.
