Zbardhen detaje të reja nga vrasja e Pëllumb Metës, në Shlnavlash të Durrësit, ku të arrestuar mbahen 3 fëmijët, ndërsa hetohen edhe veprimet e bashkëshortes së tij.
Burimet konfirmojnë për gazetaren e Vizion Plus Blerina Cene se është bërë eksperiment me secilin prej tyre lidhur me faktin nëse dinë të qëllojnë me armë, ku hetuesit janë befasuar nga fëmijët Hysen, Hygerta dhe Amarildo dhe bashkëshortja e viktimës Blerina Meta të cilët janë dërguar në poligon.
Rezulton se të 4 dinë të përdorin armë teksa prokurorisë i bie një opsion për sa i takon pistave për të shkuar drejt zbardhjes së ngjarjes, duke shtuar nga ana tjetër rrethana të reja për hetimin./vizionplus.tv
