minibus hire Leeds cheap diesel near me uk web hosting online local minibus hire Mot History Check struga Lajm MOT check cloud hosting mortgage calculator online store Local minibus Hire Cheap Fuel Prices
Vrasja e Ardian Nikulajt, Gjykata e Lezhës lë në burg Ruben Saraivën, portugezi mohon akuzat: Në Shqipëri isha për pushime - Shqiperia.info

Dy ditë pas ekstradimit nga Maroku në Shqipëri, shtetasi portugez Ruben Saraiva, i dyshuar si autor i vrasjes së biznesmenit Ardian Nikulaj në Shëngjin në muajin prill të 2023, doli para Gjykatës së Lezhës për tu njohur me masën e sigurisë të dhënë në mungesë ndaj tij. Sipas avokatit që ju caktua nga shteti, Saraiva mohoi të ketë lidhje me ngjarjen dhe se gjithçka e kishte mësuar nga mediat. Sipas tij, ai nuk kishte njohje me biznesmenin Ardjan Nikulaj dhe se ai kishte qenë në Shqipëri për pushime. Seanca gjyqësore e cila zgjati vetëm pak minuta u zhvillua paraditen e sotme nën masa të rrepta sigurie ku portogezit iu komunikua masa e arrestit me burg.

Kujtojmë se vendimi për ekstradimin e vrasësit me pagesë u dha nga Gjykata e Marokut disa ditë më përpara. Mes Shqipërisë dhe Marokut nuk ka një marrëveshje ekstradimi, por për këtë gjë u desh ndërhyrja e Interpolit dhe vetë ministrit të Brendshëm Taulant Balla i cili ka komunikuar me homologët në Marok.

Madje para pak ditësh në Shqipëri ka mbërritur edhe celulari i portugezit ku pritet që të ndihmojë hetuesit për të zbardhur rolet dhe të gjejë prova për vrasjen e 51-vjeçarit Nikulaj.

Si porostitës i vrasjes dyshohet të jetë Edmond Haxhia i arrestuar në Britani. Vrasja ka si motiv gjakmarrjen mes dy fiseve, Nikulaj dhe Lekstakaj që ka nisur vite më parë dhe ka marrë disa jetë.

Në dhjetor u ekzekutua me breshëri plumbash Etjan Nikulaj, kushuriri i Ardianit. Ndërkohë në muajin korrik në Balldre të Lezhës u vra Nikolin Lekstakaj./vizionplus.tv

Share.
Exit mobile version