Një “ushtri” e madhe flamingosh kanë pushtuar lagunën e Nartës ditën e sotme teksa fluturonin në, dhe mbi ujë, shumë pranë bregdetit.
Një dukuri e rrallë kjo për lagunat shqiptare dekadat e fundit, por që po përsëritet pas përmirësimit të kushteve mjedisore, ruajtjes dhe goditjes së precedentëve të gjuetisë së paligjshme apo dëmtimit të zonave turistike, ku shumë prej tyre janë shpallur edhe trashëgimi kulturore.
Një tufë prej më shumë se 3 mijë flamingosh, sipas specialistëve të zonës që ruajnë edhe lagunën, janë parë të vizitojnë Nartën. Kjo, edhe për shkak se zogjtë kanë sezonin e tyre. Spektakli që kanë dhuruar ka qenë i bukur, i demonstruar edhe në këto pamje te filmuara mëngjesin e kësaj të mërkure./vizionplus.tv
