Anija e Marinës Amerikane “USNS Trenton” (T-EPF 5) është ankoruar në portin e Durrësit. Sipas një deklarate zyrtare nga Marina Amerikane, ajo është një nga anijet më të shpejta të transportit në Marinën e SHBA.
Sipas komandantit Damon Bateson, vizita në portin e Durrësit konfirmon vlerat dhe partneritetin e përbashkët mes Shteteve të Bashkuara dhe Shqipërisë, pasi të dy vendet së bashku garantojnë sigurinë dhe stabilitetin e Mesdheut dhe Evropës.
Detarët ushtarakë dhe civilë të anijes “USNS Trenton” (T-EPF 5) patën mundësinë të vizitojnë vendet arkeologjike dhe kulturore të Durrësit, por edhe të përjetojnë mikpritjen e Shqipërisë dhe shqiptarëve./vizionplus.tv
