minibus hire Leeds cheap diesel near me uk web hosting online local minibus hire Mot History Check struga Lajm MOT check cloud hosting mortgage calculator online store Local minibus Hire Cheap Fuel Prices
U hoq si i sëmurë dhe u zhvati para qytetarëve, arrestohet 28-vjeçari në Korçë - Shqiperia.info

Një 28-vjeçar ka rënë në prangat e policisë në Korçë, pasi akuzohet se ka mashtruar 6 qytetarë, duke u marrë shuma lekësh dhe ka vjedhur një para në një restorant.

Johan Mysllinj, u kap në një banesë të braktisur në lagjen nr. 4, Korçë.

Ky shtetas ishte shpallur në kërkim, pasi më datën 21.10.2025, disa shtetas kishin bërë kallëzim, sipas të cilëve 28-vjeçari, me të cilët kishte njohje familjare e shoqërore, i kishte mashtruar me pretendime të ndryshme, duke u marrë shuma të ndryshme parash.

Gjithashtu, më datën 08.11.2025, ky shtetas, në lagjen nr. 7, Korçë, ka hyrë në ambientet e një restoranti dhe ka vjedhur nga kasa një shumë lekësh prej 70.000 lekësh, e më pas është larguar.

Sipas informacioneve, mësohet se 28-vjeçari ka mashtruar njerëz duke u marrë shuma të ndryshme lekësh. Këta persona kanë denoncuar pranë komisariatit të policisë së Korçës duke treguar se 28 vjeçari u ka marrë shuma lekësh pas njohjes që kishte me ta, me pretendimin se kishte probleme shëndetësore.

Gjatë hetimeve u vërtetuan të gjitha kallëzimet e tyre dhe u bë i mundur ndalimi i 28 vjeçarit.

/vizionplus.tv

Share.
Exit mobile version