Një turist malazezë, 71-vjeç ka humbur jetën këtë të mërkurë në fshatin Lëpushë.
Grupi që ishin së bashku me 71-vjeçarin kanë kërkuar ndihmë mjekësore pasi shoku i tyre, nuk është ndjerë mirë nga ana shëndetësore.
M.N., 71 vjeç, ka humbur jetën gjatë transportimit në Spital. Dyshohet se ky shtetas ka humbur jetën si pasojë e një arresti kardiak.
“Rreth orës 17:00, në fshatin Lëpushë, një grup turistësh malazezë kanë kërkuar ndihmë mjekësore pasi një shoku i tyre, shtetasi M. N., nuk është ndjerë mirë nga ana shëndetësore.
Menjëherë kanë shkuar shërbimet e Policisë së bashku me ekipin e urgjencës dhe kanë transportuar për në Spital me autoambulancë shtetasin M. N., për ndihmë mjekësore. Shtetasi M. N., 71 vjeç, ka humbur jetën gjatë transportimit në Spital.
Nga veprimet paraprake dyshohet se ky shtetas ka humbur jetën si pasojë e një arresti kardiak.
Grupi hetimor po punon për dokumentimin e plotë ligjor të rastit”, thuhet në njoftim. /vizionplus.tv
