Rrëshqitje dheu janë regjistruar në aksin Qukës–Qafë Plloçë, në degëzimin që devijon drejt Pogradecit.
Një masiv i madh dheu është shkëputur nga shpatet anësore, duke bllokuar njërën prej korsive të rrugës.
Grupet e punës ndodhen aktualisht në vendngjarje dhe po punojnë për pastrimin e inerteve dhe rikthimin e qarkullimit normal.
Për momentin, automjetet qarkullojnë vetëm në një korsi, ndërsa drejtuesve të mjeteve u kërkohet kujdes i shtuar deri në normalizimin e situatës.
