minibus hire Leeds cheap diesel near me uk web hosting online local minibus hire Mot History Check struga Lajm MOT check cloud hosting mortgage calculator online store Local minibus Hire Cheap Fuel Prices
Reshjet shkaktojnë përmbytje, uji vërshon në banesa, vështirësohet qarkullimi - Shqiperia.info

Reshjet e dendura të shiut që kanë përfshirë Lezhën prej mesnatës kanë shkaktuar probleme të shumta, kryesisht në zonat urbane. Sistemi i kanalizimeve nuk ka arritur të përballojë sasinë e madhe të prurjeve, duke sjellë përmbytje në bllokun e banimit “11 Janari” në lagjen “Besëlidhja”, si dhe në një sipërfaqe prej rreth 11.2 hektarësh.

Niveli i ujit ka arritur deri në 40 centimetra, duke bllokuar hyrjet e pallateve dhe duke vështirësuar ndjeshëm qarkullimin e këmbësorëve dhe automjeteve.

Ndërkohë, në pjesën më të madhe të territorit raportohet edhe mungesë e energjisë elektrike për shkak të motit të keq.

Në digat e Fani­t dhe Ulzës prurjet janë rritur ndjeshëm, por sipas autoriteteve nuk është arritur niveli kritik që kërkon hapjen e portave.

Në zonën e Kurbinit gjithashtu  kanë filluar problemet e para. Prurjet në lumin Droje kanë arritur në nivelin thuajse kritik, në disa rrugë të fshatrave prania e ujit ka bllokuar levizjen e banorëve.

Në aksin e rrugës Skuraj – Burrel rënia e gurëve në rrugë dhe shkarjet e dherave nga malet, ka vështirësuar qarkullimin e automjeteve. Në këtë zonë punohet nga punonjësit e mirëmbajtjes për largmin e inerteve.

Reshjet e dendura të shiut që kanë nisur prej mbrëmjes së kaluar kanë shkaktuar probleme të shumta edhe në Qarkun Dibër.

Më e prekur nga shtrëngatat e shiut ishte bashkia e Matit, ku pati probleme me rrugët rurale dhe përmbytje të banesave.

Ndërkohë erërat e fuqishme që kanë mbërthyer Vlorën kanë rrëzuar drurët pyjorë në Pyllin e Sodës, ndërsa një pemë shumëvjeçare në zonën pranë rrugës kryesore, ka krijuar rrezik për kalimtarët dhe automjetet.

Në Pyllin e Sodës, disa pisha janë rrëzuar nga era duke bllokuar segmentin që të çon  në fshatin Zvërnec, ndërsa qarkullimi është vështirësuar deri në ndërhyrjen e strukturave bashkiake.

Pavarësisht erërave të forta dhe dëmtimeve në infrastrukturën e gjelbër, situata nga përmbytjet deri tani paraqitet e qetë e nuk janë regjistruar  problematika.

Për shkak të erës së fortë rreth orës 05:00 të mëngjesit ka patur ndërprerje të energjisë elektrike  ne disa zona rurale si, nënstacioni i Poçemit në Mallakastër, fideri i Matkës në Roskovec, në Mbrostar dhe Gorishovë në bashkinë e Fierit. Grupet e punës janë në terren për të bërë të mundur rikthimin e energjisë.

Sipas Shërbimit Meteorologjik Ushtarak, në 24 orët e ardhshme priten reshje të herëpashershme me intensitet të ulët deri mesatar, ndërsa në Shkodër, Vlorë dhe Gjirokastër reshjet do të intensifikohen në formë shtrëngatash.

Share.
Exit mobile version