Seanca plenare e Kuvendit të Shqipërisë është shoqëruar me debate dhe replika, ku një moment i tensionuar u shënua mes dy deputetëve socialistë, Taulant Balla dhe Erion Braçe, lidhur me aktin normativ për rishpërndarjen e buxhetit 2025.
Ky akt parashikon që çdo fond i papërdorur nga institucionet gjatë vitit të kaluar të transferohet në llogaritë e pensioneve. Braçe, i cili disa javë më parë kishte propozuar një amendim të ngjashëm për buxhetin 2026, ku kërkonte që paratë e papërdorura të shkonin për pensionet, pyeti në foltore grupin e tij socialist se si duhej ta votonte aktin, duke kërkuar sqarime pas rrëzimit të propozimit të tij më parë.
Reagimi i Ballës nuk vonoi. Ai theksoi se aktet normative ose miratohen, ose rrëzohen, duke i bërë thirrje Braçes se nuk mund të bëhen ndryshime të njëanshme në këtë akt, duke iu referuar edhe diskutimeve për kompensimet e fermerëve për dëmet nga përmbytjet dhe çështje të tjera.
Braçe sqaroi se pyetja e tij nuk kishte të bënte me ndryshim të aktit, por me mënyrën e votimit të tij, duke kërkuar qartësi mbi procedurën.
Erion Braçe: Siç ju thash është tejkaluar plani i të ardhurave nga sigurimet dhe këto para që shkojnë tek pensionistët bëjnë mirë dhe do ishte mirë të shkonin atje. Si të votoj sot kryetar? Se është propozimi im i votuar kundër pak ditë më parë..
Taulant Balla: Jam dakord me shqetësimet që ngrihen për tu gjendur pranë banorëve, bujqve të prekur nga fenomenet natyrore, jam informuar se pushtet vendor dhe qeveria po bëjnë vlerësimin në territor ë lëtyre dëmeve, si përket aktit normativ që po shqyrtojmë, akti normativ nuk mund të ndryshohet dot sot, ai ose miratohet, ose rrëzohet.
Erion Braçe:Nuk kërkova ndryshim akti, thashë që amendamenti që u rrëzua me votë 5 javë më parë, është sjellë nga qeveria me akt. Dhe pyeta si duhet të votoj unë atëherë votava pro, të gjithë kundër, sot ca duhet të bëj, të votoj kundër?
/vizionplus.tv
