Një konflikt i nisur mes dy personave mbrëmjen e djeshme ka përfunduar me plagosjen e Fatjon Likës.
Ngjarja ka ndodhur në një lokal në fshatin Malbardhë të Kurbinit.
Policia njofton se “si pasojë e një konflikti të nisur më parë shtetasi A. Sh, ka qëlluar një herë me armë zjarri pistoletë duke plagosur Fatjon Likën me të cilin kishte konflikt.”
I plagosuri është transportuar menjëherë në spital për ndihmë mjekësore, dhe ndodhet jashtë rrezikut për jetën.
Shërbimet e Policisë Kurbin, të DVP Lezhë dhe Forcat Kombëtare të Sigurisë vijojnë kontrollet për kapjen e autorit dhe të dy shtetasve të tjerë E. L dhe P. L., të përfshirë në konflikt.
Grupi hetimor nën drejtimin e Prokurorit vijon punën për zbardhjen e rrethanave dhe dokumentimin e plotë ligjor të këtij rasti./vizionplus.tv
