Një 31-vjeçar ka humbur jetën pas aksidentit tragjik që ndodhi pasditen e sotme, rreth orës 16:20, në aksin rrugor Kardhiq-Delvinë.
Policia njofton se ngjarja ka ndodhur në afërsi të tunelit të Skërficës.
31-vjeçari A. M., dyshohet se ka humbur kontrollin mbi drejtimin e mjetit tip kamion me të cilin po transportonte çimento.
Për pasojë, mjeti ka dalë nga rruga dhe është përfshirë nga flakët.
Grupi hetimor po punon për zbardhjen e plotë të rrethanave të aksidentit./vizionplus.tv
