Analisti Poli Hoxha, i ftuar në “Quo Vadis” në “Vizion Plus” nën moderimin e Pranvera Borakajt ngriti shqetësime mbi funksionimin e sistemit të drejtësisë. Ai deklaroi se ka ardhur koha për një vetting të dytë, duke theksuar abuzimet në gjykata dhe prokurori, sidomos në rrethe. Sipas Hoxhës, gjyqtarët dhe prokurorët kalimin e vettingut e kanë marrë si imunitet të përhershëm.
Hoxha: Ka ardhur koha për një vetting. Po bëhet nami në Gjykatat e faktit dhe prokuroritë e faktit nëpër rrethe, kanë marrë për kot, kalimin e vettingut e kanë marrë për imunitet të përhershëm, për ‘carta bianca’. Janë mbushur burgjet me ditëzinj, shtyjë gjyqe. Tani ka dalë dhe një modë e re që nuk ka ekzistuar në drejtësinë e kalbur. Vendime…nuk zbardhen vendime, ka dalë kjo moda që i shtyjnë dhe zbardhjen. I çojnë zbardhjet nga 6-7 muaj dhe për mendimin tim ka ardhur koha që shumë nga këta që kanë kaluar vetingun dhe janë 1200 denocnime vetëm për gjykatën dhe prokurorinë e Tiranës. Këta lloj gjyqtarësh a duhet të kalojnë në një vetting tjetër.
I ftuar në studio ishte dhe ish-gjyqtari Alaudin Malaj, i cili u ndal te rasti i gjyqtares Irena Gjoka. Kjo e fundit rezulton e dënuar në Greqi.
Malaj: Rasti i Irena Gjokës është edhe ai që thotë Berisha. Je e dënuar, mos më gjyko. Në momentin që doli vendmimi KLGJ duhet ta kishte pezulluar. T’i japë shpresë publikut që ne funksionojmë./vizionplus.tv
