Një 25-vjeçar ka goditur me thikë një 34-vjeçar pasditen e sotme.
Ngjarja ka ndodhur në zonën e Astirit. Policia ka arrestuar 25-vjeçarin, ndërsa i plagosuri ndodhet në gjendje të rëndë.
“Si rezultat i veprimeve të shpejta policore, u kap dhe u shoqërua në komisariat për veprime të mëtejshme procedurale shtetasi D. K., 25 vjeç, banues në Tiranë.
Nga veprimet hetimore dyshohet se shtetasi D. K., për motive të dobëta, ka plagosur me mjet prerës shtetasin A. H., 34 vjeç, i cili ndodhet në spital, nën kujdesin e mjekëve”, njoftojnë blutë e kryeqytetit.
Vijon puna nga grupi hetimor për sqarimin e rrethanave të ngjarjes./vizionplus.tv
