minibus hire Leeds cheap diesel near me uk web hosting online local minibus hire Mot History Check struga Lajm MOT check cloud hosting mortgage calculator online store Local minibus Hire Cheap Fuel Prices
Emrat/ Sekuestrohen mbi 2.2 kg kokainë në Tiranë, arrestohen dy kushërinj - Shqiperia.info

Policia e Tiranës ka goditur një tjetër rast të shpërndarjes së drogës, duke finalizuar operacionin antidrogë të koduar “Hallka e parë”. Gjatë aksionit u sekuestruan 2 kilogramë e 235 gramë lëndë narkotike të dyshuar kokainë, ndërsa u arrestuan në flagrancë dy kushërinj, Armand Nela, 34 vjeç dhe Saimir Nela 31 vjeç.

Operacioni u ndërmor pas informacioneve operative se dy shtetas po transportonin kokainë me qëllim furnizimin e personave dhe grupeve që më pas e ndanin atë në doza për shitje në zonat “Alliasi” dhe “Oxhaku” të kryeqytetit.

Policia identifikoi automjetin e dyshuar dhe e ndoqi atë deri te zona e quajtur “Treshi”, ku u bë ndalimi dhe kontrolli. Në bagazhin e mjetit u gjetën dy pako me gjithsej 2.235 kg kokainë, si dhe një pistoletë lodër.

Dy të arrestuarit akuzohen për veprën penale “Prodhimi dhe shitja e narkotikëve”. Hetimet vijojnë për identifikimin e personave të tjerë të përfshirë në këtë rrjet të furnizimit dhe shpërndarjes së drogës.

Materialet i janë referuar Prokurorisë së Tiranës për veprime të mëtejshme

/vizionplus.tv

 

Share.
Exit mobile version