Lulzim Cami 68-vjeç dhe Vehap Cami 63-vjeç do të përcillen sot për në banesën e fundit. Ata mbetën viktimë e të shtënave me armë ku njëri nga vëllezërit qëlloi tjetrin e më pas veten.
Më konkretisht, ngjarja e rëndë u shënua në orët e para të mëngjesit të së enjtes, ku Vehap Cami, pasi i shkoi në banesë vëllait në zonën e Freskut, e qëlloi për vdekje atë e më pas veten.
Trupat e pajetë u gjetën nga familjarët e Lulzimit, i cili në datën 3 janar kishte festuar edhe ditëlindjen. Nga të shtënat me armë, fatmirësisht nuk u lëndua asnjë pjestar tjetër i familjes.
Ngjarja e rëndë dyshohet se ka ndodhur për shkak të konfliktit që dy vëllezërit kishin prej vitesh për pronat në Bulqizë.
Gazetari i Vizion Plus Esido Barkaj ka arritur të sigurojë edhe foton e njërit prej vëllezërve që mbeti viktimë, Lulzim Camit./vizionplus.tv
