minibus hire Leeds cheap diesel near me uk web hosting online local minibus hire Mot History Check struga Lajm MOT check cloud hosting mortgage calculator online store Local minibus Hire Cheap Fuel Prices
BE: Depolitizimi është thelbësor. Gonzato kërkon Reformë Zgjedhore gjithëpërfshirëse - Shqiperia.info

Reforma zgjedhore ka një rëndësi themelore për procesin e anëtarësimit në Bashkimin Evropian. Kështu u shpreh ambasadori i unionit në Tiranë, Silvio Gonzato i cili gjatë prezantimit të projektit të ri të Këshillit të Evropës “Mbështetje për Ciklin e Procesit Zgjedhor në Shqipëri” kërkoi bashkëpunim dhe ndryshime gjithpërfshirëse në ligjin elektoral.

“Reforma Zgjedhore përfaqëson një hap të mirë drejt integritetit zgjedhor. Nxisim palët për reformë gjithëpërfshirëse, duhet një produkt i mirë. KQZ ka marrë hapa të rëndësishëm në analizën paszgjedhore dhe ka paraqitur disa propozime. Depolitizimi është thelbësor. Reforma zgjedhore është pjesë domethënëse e rrugëtimit dhe zotimit që ka Shqipëria në grup kapitullin e parë për anëtarësimin në BE, e para që hapet dhe e fundit që mbyllet”, tha Gonzato.

Ndryshe nga diplomati i BE, kryekomisioneri Ilirian Celibashi u tregua më specifik në ndryshimet që duhet të kryhen në mënyrë që vendi ynë të përparojë në procesin e zgjedhjeve.

“Të punojnë për këtë çështje që është trajnimi i administratës zgjedhore. Kemi vuajtur prej vitesh që administrata zgjedhore në vend, pas çdo përpjekje, asnjëherë nuk i ka përmbushur pritshmëritë e votuesve për të performuar në mënyrë profesionale dhe transparente. Nuk them që partitë politike të zhvishen tërësisht nga interesi dhe mundësia për të qenë pjesë e administrimit, por jo si sot që 100% procesi administrohet prej tyre. Kur ne të jemi dakordësuar kur të kemi një trupë gati për përhershme, të lind nevoja që të punohet për trajnimin e duhur të kësaj trupe apo kushdo që angazhohet”, deklaroi Celibashi.

Në kuvendi pritet të nisë punë Komisioni i Posaçëm i Reformës Zgjedhore së shpejti ndërsa do të adresohen një sërë rekomandimesh të aktorëve të jashtëm por edhe të institucioneve.

Share.
Exit mobile version