Kreu i Prokurorisë së Posaçme i është përgjigjur akuzave të drejtuesit të Partisë së Lirisë Ilir Meta.
Altin Dumani pohoi se ai nuk e ka takuar asnjëherë ish-zyrtarin e lartë të FBI, Charles Mcgonigal. Sipas tij gjithçka e thënë në media është në vijim të akuzave të vazhdueshme, të pabaza që bëhen për institucion që ai drejton.
“Nuk ka pasur asnjë arsye për të takuar mcgonigal, as nuk e kam njohur kurrë dhe emrin ia kam dëgjuar pas publikimeve ne mediat shqiptare” , u shpreh Dumani.
Një ditë më parë Meta akuzoi publikisht Altin Dumanin se është takuar me mcgonigal duke hedhur dyshime mbi hetimet që SPAK po kryen për dosjen e ish-zyrtarit të lartë të FBI-së./vizionplus.tv
