minibus hire Leeds cheap diesel near me uk web hosting online local minibus hire Mot History Check struga Lajm MOT check cloud hosting mortgage calculator online store Local minibus Hire Cheap Fuel Prices
Afera e inceneratorëve, Gjykata Kushtetuese rrëzon kërkesat e ish-ministrit Lefter Koka - Shqiperia.info

Gjykata Kushtetuese ka rrëzuar kërkesat e ish-ministrit Lefter Koka për shfuqizimin si antikushtetues të dy vendimeve të Gjykatës së Lartë, që e kanë lënë në burg.

Dy vendimet  këto të  Gjykatës së Lartë që e  cilësuan të ligjshëm arrestimin e tij për inceneratorin e Fierit dhe të Elbasanit.

Ish-ministri Lefter Koka ndodhet në burg për aferën e inceneratorëve të Elbasanit dhe Fierit.

Në shtator të vitit të kaluar Gjykata e Posaçme shpalli vendimet për dosjen e inceneratorit të Elbasanit, për Lefter Kokën dhe personat e tjerë të akuzuar.

Ish-ministri i Mjedisit u dënua me 5.8 vite burg duke përfituar nga gjykimi i shkurtuar.

Ndërkohë, ish-deputeti socialist dhe ish-sekretari i Përgjithshëm i Ministrisë së Mjedisit, Alqi Bllako u shpall i pafajshëm për akuzat që lidhen me Elbasanin.

Mbi 11 vite burg u dha nga togat e zeza për Mirel Mërtirin dhe bashkëjetuesen e tij, Stela Gugallja. Respektivisht, 6.8 vite burg për Mërtirin si pronar i kompanisë së inceneratorit dhe 4.8 vite burg për Gugalljan, si ortake dhe administratore.

Lefter Koka është shpallur fajtor për veprat penale “Korrupsioni pasiv i funksionarëve të lartë shtetërorë ose i të zgjedhurve vendorë” dhe “Pastrimi i produkteve të veprës penale apo i veprimtarisë kriminale” , kryer në bashkëpunim.

Vendimi i Gjykatës së Posaçme për të akuzuarit për inceneratorin e Elbasanit:

• Lefter Koka – Dënohet me 8.6 vite burg – 5.8 vite nga gjykimi i shkurtuar
• Klodian Zoto – Dënohet me 10 vite burg – 6.8 vite me gjykim të shkurtuar
• Mirel Mërtiri – Dënohet me 10 vite burg – 6.8 vite me gjykim të shkurtuar
• Stela Gugallja – Dënohet me 7 vite burg – 4.8 vite me gjykim të shkurtuar
• Alqi Bllako – Shpallet i pafajshëm
• Pëllumb Abeshi – Dënohet me 4 vite burg – 2.8 vite me gjykim të shkurtuar
• Bardhyl Cabiri – Dënohet me 2 vite burg
• Jonida Zeqo – Dënohet me 4 vite burg – 2.8 vite me gjykim të shkurtuar
• Serafin Papa – Dënohet me 1.4 vite burg

Më datë 25 Shtator 2023, Gjykata e Posaçme ka dhënë dënimet dhe për inceneratorin e Fierit. Disa nga të shpallurit fajtorë, duke përfshirë Lefter Kokën dhe Alqi Bllakon, janë dënuar gjithashtu edhe për këtë impiant të trajtimit të mbetjeve.

Akuzat e ngritura nga Prokuroria Speciale për inceneratorin e Fierit janë pushuar për dy shtetas, për Enver Sheshin i cili ka ndërruar jetë teksa priste vendimin në qelitë e paraburgimit dhe për shtetasin Robert Shabani, i cili është gjykuar me herët nga Gjykata e Tiranës.

Vendimi i Gjykatës së Posaçme për të akuzuarit për inceneratorin e Fierit:

• Lefter Koka – Dënohet me 10 vjet burg – 6 vite e 8 muaj burg me gjykim të shkurtuar
• Alqi Bllako – Dënohet me 4 vjet burg – 2 vite e 8 muaj burg me gjykim të shkurtuar
• Klodian Zoto – Dënohet me 11 vjet burg – 8 vite burg me gjykim të shkurtuar
• Pellumb Abeshi – Shërbim prove
• Florian Muçaj – Shërbim prove
• Azem Shatëri – Shërbim prove
• Erjon Murataj – Dënohet me 3 vjet burg – 2 vite burg me gjykim të shkurtuar
• Sabina Cenameri – Shërbim prove
• Arben Dervishaj – I pafajshëm
• Loran Dusha – Dënohet me 7 vjet burg – 4 vite e 8 muaj burg me gjykim të shkurtuar
• Arjola Kodra – E pafajshme
• Arbër Denizi – Dënohet me 7 vjet burg – 4 vite e 8 muaj burg me gjykim të shkurtuar
• Juri Imeraj – I pafajshëm
• Regan Merdani – Shërbim prove
• Gentian Zifla – Shërbim prove

lajm ne perditesim

Share.
Exit mobile version