23 persona u vunë nën akuzë nga Prokuroria Speciale për prodhim e kultivim të bimëve narkotike në kuadër të grupit të strukturuar kriminal.
SPAK vuri në sekuestro një sasi të madhe bimësh kanabisi prej 32 mijë rrënjësh dhe një pjesë tjetër që ishte diferencuar, e tharë dhe e bërë gati për tu shitur: një sasi prej 332 kilogramësh në total.
Operacioni është i ndarë në dy faza, e para, ajo e 17 qershorit të 2022 kur u gjetën dhe u asgjësuan bimët narkotike, ndërsa episodi i dytë është ai i datës 12 tetor i po të njëjtit vit ku u kap edhe bima e bërë gati për tu tregtuar.
Për gjykim janë dërguar Arian Popa, që SPAK e konsideron si kreun e organizatës, si dhe Arben Uruçi, Ardjan Tahiri, vëllezërit Pjetër, Roland dhe Fabion Gjoni etj.
Zyrtarisht prokuroria antikorrupsion thotë se në shtëpinë e vëllezervë është gjetur një serë e improvizuar me plastmas, brenda së cilës u gjetën disa gra duke punuar. Edhe këto të fundit janë dërguar për gjykim nën akuzën e bashkëpunimit në prodhimin e lëndës narkotike./vizionplus.tv
