Chris Martin nuk ka ndërmend të heqë dorë nga kamera e puthjeve “kiss cam” në koncertet e Coldplay pas momentit tashmë viral kur kapi ish-drejtorin ekzekutiv të Astronomer, Andy Byron, duke u dyshuar se po tradhtonte me ish-drejtoreshën e burimeve njerëzore të kompanisë, Kristin Cabot.
“E kemi përdorur [Jumbotron-in] për një kohë të gjatë, dhe vetëm së fundmi ka marrë një tjetër kuptim… po,” tha ai.
“Jeta të hedh limonë dhe duhet të bësh limonadë. Kështu që do ta vazhdojmë, sepse do të takohemi me disa prej jush,” shtoi këngëtari.
Kamera e puthjes e Martinit u bë virale pas koncertit të grupit në stadiumin Gillette në Foxborough, Massachusetts. Ishte më 16 korrik kur kamera e puthjes zgjodhi dy persona nga publiku që ishin përqafuar rreth njëri-tjetrit. Menjëherë pasi kamera i kapi, të dy u përkulën dhe i fshehën fytyrat nga kamera, duke e bërë Martinin të thoshte se “Ose kanë një aferë ose janë thjesht shumë të turpshëm”.
“Uau, shihini këta të dy”, tha Martin në atë kohë, ndërsa Byron dhe Cabot u fshehën menjëherë nga kamera. “Ose kanë një aferë ose janë thjesht shumë të turpshëm”.
Më vonë u zbulua se të dy ishin të martuar me persona të tjerë. Pasi videoja u bë virale, gruaja e Andyt, Megan Kerrigan Byron, e hoqi mbiemrin e saj nga Facebook përpara se të fshinte profilin e saj.
Sa i përket Kristin, besohet se ajo është e martuar me Andrew Cabot, drejtorin ekzekutiv të Privateer Rum./Bordo.al
Video virale ku zbuloi një aferë, a do t’i heqë Chris Martin ‘kiss cam’ nga koncertet? / shkruan Gazeta Online Reporteri.net.
