Michael Madsen, i njohur për rolet e tij në filmat ‘Reservoir Dogs’ dhe ‘Kill Bill’, ka vdekur në moshën 67 vjeçare.
Aktori Michael Madsen ka vdekur në moshën 67 vjeçare në shtëpinë e tij në Malibu, kanë njoftuar autoritetet dhe përfaqësuesit e tij. Bëhet e ditur se Madsen është gjetur pa ndjenja dhe se nuk ka dyshime për elemente dhune.
Ai u shpall i vdekur në orën 8:25 të mëngjesit. Në një email, menaxheri i Madsen, Ron Smith, konfirmoi se klienti i tij kishte vdekur nga sulmi në zemër.
Një deklaratë nga Smith dhe një tjetër menaxhere, Susan Ferris, së bashku me publicisten Liz Rodriguez tha:
“Në dy vitet e fundit, Michael Madsen ka bërë një punë të jashtëzakonshme me filma të pavarur, duke përfshirë filmat e ardhshëm artistikë Resurrection Road, Concessions dhe Cookbook for Southern Housewives, dhe mezi priste këtë kapitull të ri në jetën e tij”.
“Michael po përgatitej gjithashtu të publikonte një libër të ri të quajtur Tears for My Father: Outlaw Thoughts and Poems, i cili aktualisht është duke u redaktuar. Michael Madsen ishte një nga aktorët më ikonikë të Hollivudit, i cili do t’u mungojë shumë njerëzve.”
Madsen ka një karriere katërdekadëshe.
Vdes në moshën 67 vjeçare aktori Michael Madsen, ylli i filmave Reservoir Dogs, Kill Bill dhe Donnie Brasco / shkruan Gazeta Online Reporteri.net.
