Pas largimit nga Big Brother VIP Albania mbrëmë, Jetmir Salaj ka vënë sërish në dyshim transparencën e këtij formati.
Në një video të publikuar në rrjete sociale pas daljes nga Big Brother VIP Albania, ish-banori tashmë shprehet se i është mohuar e drejta për të bërë lojën e tij dhe se është ndjerë i censuruar nga produksioni.
Siç shprehet ai, vendimi për të hequr dorë nga loja erdhi pas një trysnie psikologjike nga produksioni i këtij formati.
“Të dashur miq, siç ju e patë edhe në prime-n e kaluar mua mu mohua një e drejtë ekzistenciale, pasi në të gjithë të drejtën e botës qoftë edhe të këtij formati, me rregulla dhe rregullore po deshët, nuk mund t’i mohohet e drejta një lojtari të vendosë të bëjë lojën si ta dojë ai. Në vazhdën e të drejtave të mohuara, të para gjithmonë në opinionin dhe perceptimin tim, unë ndjeva një censurë ndaj meje dhe nën kushtet e një trysnie psikologjike të tmerrshme vendosa të largohem nga loja. Nëse juve ju duket që gjykimi i “Big Brother” është i drejtë, atëherë kjo është Shqipëria tjetër”, tha Jetmiri në videon e publikuar./Reporteri.net/
“Më censuruan”, vjen reagimi i Jetmirit pasi u largua mbrëmë nga Big Brother VIP Albania / shkruan Gazeta Online Reporteri.net.
