Sonte mbahet finalja e madhe e Eurovisionit në Basel të Zvicrës.
Atje do të ngjitet sërish në skenë “Shkodra Elektronike” që përfaqëson Shqipërinë me këngën “Zjerm”.
Gazetarët e akredituar në Eurovision para finales kanë dhënë votën e tyre, duke e renditur Shqipërinë në vendin e katërt me 302 vota, shkruan Reporteri.net.
Në votim kanë marrë pjesë 84 gazetarë të akredituar, ku në vendin e parë është renditur Franca me 430 vota, e dyta Finlanda me 346, e treta Suedia me 326 vota.
Spektakli fillon në orën 21:00 (CEST) dhe transmetohet drejtpërdrejt nga salla “St. Jakobshalle” në Bazel të Zvicrës, duke u shfaqur gjithashtu në YouTube për publikun ndërkombëtar, ndërsa
Shqipëria performon e 26-ta në garë.
Pas performancave, publiku dhe juritë kombëtare do të japin votat e tyre për të vendosur se kush do të shpallet fitues i Eurovision 2025.
Kujtojmë se kënga e Shqipërisë “Zjerm” mori vëmendje anë e kënd botës, duke u cilësuar si një këngë e ndjerë, por edhe e interpretuar në mënyrë fantastike.
Beatriçe Gjergji dhe Kolë Laca gjithashtu u ndjen tejet falënderues për mbështetjen që po marrin në këtë rrugëtim. /Reporteri.net/.
Gazetarët e Eurovisionit e renditin Shqipërinë të katërtën / shkruan Gazeta Online Reporteri.net.
