Ylli i popit Dua Lipa është radhitur si artistja më e re në listën e të pasurve nën 40 vjeç të Sunday Times për këtë vit. Në moshën 29 vjeçare, këngëtarja e hitit “Dance The Night” zotëron një pasuri të vlerësuar prej 115 milionë paundësh, duke e renditur të 34-ën në listë.
Arritjet në karrierën e Dua Lipës përfshijnë shumë çmime Brit dhe tre çmime Grammy. Këtë vit ajo publikoi albumin e saj të tretë në studio, Radical Optimism, dhe një performancë kryesore në Festivalin Glastonbury, duke forcuar më tej ndikimin e saj në skenën muzikore.
Lista vjetore e të pasurve e Sunday Times detajon pasurinë e 350 individëve dhe familjeve më të pasura të Britanisë. Ndërsa Dua Lipa mban dallimin e të qenit më e reja në listën 40 nën 40,
Ed Sheeran renditet i 13-ti në përgjithësi me një pasuri të vlerësuar prej 370 milionë paundësh, një rritje e konsiderueshme prej 30 milionë paundësh nga vlerësimi i vitit të kaluar.
Në vendin e 22-të në listë është këngëtari Harry Styles, pasuria e të cilit arrin në 225 milionë paund, që është një rritje prej rreth 50 milionë paundësh nga viti i kaluar.
Më poshtë në listë, në vendin e 26-të, është Adele, 37 vjeç, pasuria e së cilës arrin në rreth 170 milionë paund, i njëjti vlerësim që gazeta i dha asaj vitin e kaluar. /Prive By Liberta Spahiu
Dua Lipa ‘pushton’ listën e të pasurve nën 40 vjeç / shkruan Gazeta Online Reporteri.net.
