Që nga përshkallëzimi i luftës Izrael-Hamas në vjeshtë, Dua Lipa ka qenë një avokuese e zjarrtë politike dhe në kopertinën e re të Rolling Stone, këngëtarja e “Levitating” foli më shumë rreth qëndrimit të saj.
“Ekzistenca ime është disi politike, fakti që kam jetuar në Londër sepse prindërit e mi u larguan nga lufta,” shpjegoi ajo duke iu referuar prindërve të saj shqiptarë.
“E ndjejë për njerëzit që duhet të largohen nga shtëpia e tyre. Nga përvoja ime e të qenit në Kosovë dhe të kuptuarit se çfarë bën lufta, askush me të vërtetë nuk dëshiron të largohet nga shtëpia e tij. Ata e bëjnë këtë për mbrojtje, për të shpëtuar familjen e tyre, për t’u kujdesur për njerëzit përreth tyre, një gjë të tillë, për një jetë më të mirë. Kështu që ndihem afër tyre”, ka thënë Dua.
Ajo vazhdoi: “Ndjenjat e mia për njerëzit e zhvendosur janë shumë reale, dhe është një temë e vështirë për t’u folur sepse është shumë përçarëse”.
Lipa iu bashkua një numri të famshmëve të tjerë për të nënshkruar një letër të hapur që i kërkonte Presidentit Joe Biden të bënte thirrje për një armëpushim në Gaza. “Për momentin, ajo që duhet të shikojmë është se sa jetë kanë humbur në Gaza, civilë të pafajshëm dhe jetë që sapo po humbasin. Thjesht nuk ka mjaft liderë botërorë që po mbajnë qëndrim dhe po flasin për krizën humanitare që po ndodh, armëpushimin humanitar që duhet të ndodhë”, tha Lipa për Rolling Stone, shkruan Billboard.
Dua Lipa bën thirrje për “armëpushim humanitar” në Gaza, e përmend luftën e fundit në Kosovë / shkruan Gazeta Online Reporteri.net.
