Këngëtarja kosovare me famë botërore, Dua Lipa, të martën ka ateruar në Prishtinë. Të premten nis “Sunny Hill Festival”, ku ajo do ta pushtojë skenën qysh në natën e parë.
Disa ditë para ardhjes në Kosovë, ajo ka thënë se ky do të jetë edicioni më i madh i festivalit.
“Jam e lumtur që do vij në shtëpinë time, në Prishtinë javën e ardhshme. Ky do të jetë edicioni më i madh. Jam shumë krenare se sa shumë është rritur. Mezi pres t’iu shoh të gjithëve. Ju dua shumë”, ka thënë ajo në një video.
Shawn Mendes, Headie One, Anyma, MYGAL b2b Edgar Kerri, TSHA, Cil, Sienna Spiro, Tommy Gold, Peggy Gou, Skream, Fatboy Slim, Bookie, Sugar Rush, Mochakk, Artssassin, Ledri, Yanina, Pint, Tayna dhe shumë të tjera, janë disa prej emrave që sjell sivjet “Sunny Hill Festival” për tre net.
Dua Lipa arrin në Prishtinë / shkruan Gazeta Online Reporteri.net.
