Divorci mes supermodeles Emily Ratajkowski dhe regjisorit Sebastian Bear-McClard është zyrtarizuar më 22 korrik në Gjykatën Supreme të Manhattanit, duke i shpallur të dy ligjërisht beqarë. Në të njëjtën ditë, është lëshuar edhe një urdhër për mbështetje mjekësore të fëmijës së tyre, Sylvester Apollo Bear.
Edhe pse detajet e marrëveshjes mbeten konfidenciale për shkak të ligjeve të shtetit të Nju Jorkut, burime mediatike raportojnë se çifti e kishin arritur marrëveshjen për ndarje muaj më parë. Page Six njoftoi se Ratajkowski kishte paraqitur kërkesën për divorc në shtator 2022, katër vjet pas martesës së tyre.
Ndarja erdhi pas akuzave për tradhti ndaj Bear-McClard. Djali i tyre, i lindur në mars 2021, jeton kryesisht me Ratajkowskin, por kalon kohë edhe me babain disa herë në javë.
Në intervista të mëparshme, modelja është treguar e hapur për sfidat emocionale që përjetoi gjatë martesës. Në një rrëfim për Vogue, ajo u shpreh: “Isha vërtet, vërtet e palumtur… U dobësova shumë sepse nuk isha mirë.”
Ajo tregoi gjithashtu se kishte provuar ilaçe kundër depresionit dhe kishte luftuar gjatë përpara se të merrte vendimin për divorc. “Mësova t’u besoj instinkteve të mia,” përfundoi ajo./Bordo.al
Çifti i njohur ndahet zyrtarisht, përfundojnë procedurat e divorcit / shkruan Gazeta Online Reporteri.net.
