Modelja amerikane, Emily Ratajkowski, jo vetëm që u divorcua, por ajo po e feston me stil dhe me humor këtë ngjarje. Supermodelja, e cila u nda nga producenti Sebastian Bear-McClard në shtator 2022, kohët e fundit, u shfaq në mediat sociale, për të treguar aksesorët e saj të rinj mahnitës.
Në një seri selfiesh seksi topless nga shtrati i saj, Ratajkowski shfaqi unazat verbuese, të cilat ishin punuar nga diamantet e unazës së saj origjinale të martesës. Bizhuteritë e reja morën emrin “unazat e divorcit”, të cilat ishin ndarë në dy pjesë.
Zgjedhja për të vënë unazën e saj të mëparshme të martesës nuk ishte e rastësishme, pasi Ratajkowski qëllimisht donte të sinjalizonte një deklaratë të guximshme, për të rifituar pavarësinë e saj dhe për të ecur përpara nga e kaluara.
Në një video të fundit në TikTok, Ratajkowski ndau gjithashtu disa përjetime të mbledhura nga përvoja e saj e divorcit, duke ofruar mbështetje dhe solidaritet për gratë e tjera që kanë raste të ngjashme. Mesazhi i saj i guximshëm dhe fuqizues rezonon me shumë njerëz, duke reflektuar qëndrueshmërinë dhe forcën e saj përballë sfidave të jetës.
Çfarë janë unazat e divorcit, trendi më i ri i prezantuar nga Emily Ratajkowski? / shkruan Gazeta Online Reporteri.net.
