Gjatë ditës së premte në Rrugën B, është gjetur i vdekur dizjaneri i njohur, Festim Isufi.
Për vdekjen tragjike të tij ka reaguar edhe dizjanerja Blerina Rugova-Kllokoqi.
“Një shpirt i ndjeshëm, një dizajner i talentuar dhe një njeri i mirë na la. Pusho në paqe, Festim”, thuhet në postimin e saj në Facebook .
Dizajneri kosovar u gjet i therur për vdekje në banesën e tij në Prishtinë. Paraprakisht, ai dyshohet se sulmoi me thikë gruan e tij e cila mbeti e plagosur.
Lajmin për Reporteri.net e ka konfirmuar zëdhënësja e Policisë së Kosovës, Flora Ahmeti.
“Rreth orës 15:00 është raportuar për dy persona të lënduar në një ndërtesë në rrugën “B” në Prishtinë. Me të marrë informatën policia ka dalë në vendin e ngjarjes duke filluar menjëherë me ndërmarrjen e veprimeve hetimore me synim sqarimin e rrethanave të rastit. Në vendin e ngjarjes janë ftuar edhe mjekët emergjent të cilët kanë konstatuar vdekjen e njërit prej personave të lënduar, mashkull, 34 vjeç, ndërsa e lënduara femër, 30 vjeçare është dërguar për tretman mjekësor.”, tha ajo.
Blerina Rugova-Kllokoqi reagon pas vdekjes së dizajnerit të njohur kosovar / shkruan Gazeta Online Reporteri.net.
