Tentimi për vrasjen e ish-presidentit amerikan, Donald Trump, vjen nga një mosmarrëveshje në rritje. Dhuna duhet dënuar.
Tentativa për vrasjen e Donald Trump, por që vetëm plagosi ish-presidentin amerikan gjatë një tubimi të fushatës zgjedhore, e që vrau një person tjetër, shënon momentin më tronditës e të frikshëm. Dhuna politike nuk është zhvillim i ri e as një lajthitje për shtetet e Bashkuara të Amerikës. Megjithëse fatmirësisht Trumpi mbijetoi, katër presidentë tjerë amerikanë janë vrarë, së bashku me kandidatë për presidentë e të tjerë me poste më të ulëta. Shumë të tjerë janë përballur me kërcënime serioze për jetën.
Nganjëherë, përpjekjet e tilla janë vepra të një individi, si John Hinckley Jr, i cili qëlloi me armë Ronald Reagan. Ai ishte i sëmurë mendor. Nganjëherë, si rasti i vrasjes së Abraham Lincoln, flitet për rrymat e trazuara brenda politikës amerikane.
Mbeten të panjohura detajet për 20-vjeçarin e armatosur Thomas Matthew Crooks, i cili u qëllua dhe u vra nga një snajper i Shërbimit Sekret. Dihet se ishte i regjistruar si republikan, por në vitin 2021, kishte ndarë një shumë të vogël për komitetin e veprimit progresiv.
Megjithatë, në një kohë me inate e përçarje, shumë i shohin këto të shtëna si pjesë e një vale të gjerë dhune dhe urrejtjeje politike. Termi “luftë civile” filloi të përhapet në mediat sociale pas të shtënave.
Trumpi bëri thirrje “që të gjithë që qëndrojnë së bashku dhe të tregojnë karakterin e vërtetë të amerikanëve… duke mos lejuar të keqen të fitojë”. Kundërshtarët politikë reaguan shpejt duke denoncuar këtë akt të tmerrshëm dhune. Edhe Joe Biden e përshkroi sulmin si “të tmerrshëm”.
Shumë vende nëpër botë po shohin rritje të dhunës politike dhe tolerancë ndaj akteve të tilla. Një e pakicë e vogël, por e rëndësishme, mbështet dhunën ose për ose kundër Trumpi, sipas një hulumtimi amerikan.
Shumë më tepër amerikanë tash kanë armë, falë rritjes së shitjeve të armëve në vitet e fundit; dezinformimi është i shfrenuar; dhe interneti gjithashtu e bën më të lehtë organizimin për njerëzit me qëllim të keq.
Teoritë konspirative tashmë po marrin kah, herë majtas herë djathtas. Imazhi i Trumpit i gjakosur, me grusht lartë si fitore, përpara yjeve dhe vijave të flamurit amerikan, me siguri do të ngurtësojë bindjen e mbështetësve se ai është një martir, i persekutuar politikisht, ligjërisht dhe tani fizikisht për përpjekjen për ta bërë Amerikën përsëri të madhe. Steve Scalise, udhëheqësi i shumicës republikane të Dhomës së Përfaqësuesve – vetë i plagosur rëndë në vitin 2017 nga një person i armatosur anti-republikan me një histori agresioni dhe dhune – ishte i shpejtë për të akuzuar demokratët për “retorikë ndezëse” që po “ushqente histerinë qesharake se Donald Trump po fitonte sërish. Zgjedhjet do të ishin fundi i demokracisë në Amerikë”.
Nxitja e vërtetë nuk mund të tolerohet. Dhuna duhet të dënohet – siç dështoi ta bëjë vetë Trump kur bëri shaka për sulmin brutal ndaj bashkëshortit të Nancy Pelosi, Paul dhe tha se ishte “mendje e përbashkët” që rebelët që sulmuan Kapitolin duke brohoritur për varjen e zëvendëspresidentit të tij, Mike Pence, ishin të zemëruar.
Gjithashtu duhet pasur kujdes që aktet ekstreme të një pakice të mos përdoren për të heshtur kritikat legjitime. Ka arsye shumë të mira për të besuar se Trump është një kërcënim për demokracinë amerikane; nuk ka asnjë justifikim për besimin se ai duhet të ndalet me dhunë. Politikanët e të gjitha shtresave duhet të jenë më të kujdesshëm se kurrë në zgjedhjen e gjuhës. I takon edhe publikut amerikan që ta bëjë këtë moment të zymtë të shënojë një pikë kthese për mirë, jo një rrëshqitje në diçka akoma më të keqe.
Ky opinion u shkrua nga The Guardian. Përktheu gazeta online Reporteri.net.
E ardhmja e Amerikës duhet vendosur nga votuesit, jo nga armët / shkruan Gazeta Online Reporteri.net.
