Çfarë e përcakton jetën e njeriut sipas shkencës? Kjo ishte një nga pyetjet e drejtuara nga moderatorja Pranvera Borakaj në Quo Vadis në Vizion Plus këtë të martë për mjeken e veçantë, Artemisa Gogollari.
Lidhur me këtë pyetje Gogollari tha se shumë gjëra që na ndodhin na rikthejnë shpesh në të kaluarën. Siaps saj shumë gjëra siç janë refuzimi apo emocione negative na kujtojnë shpesh mënyrën se si jemi trajtuar në fëmijëri, prandaj ëhstë shumë e rëndësishme të shohim mënyrën se si trajtojmë brezat sot.
Pjesë nga biseda:
Gogollari: Ne punojmë shumë dhe rikthehemi shpesh te ngjarjet që ndodhin në fëmijëri. Shpesh konfliket që na ndodhin në jetën e përditshme na shkaktojnë emocione që i kemi përjetuar në fëmijëri. Nëse një person ndihet i refuzuar apo pa mbështetje, e ka përjetuar atë emocion në fëmijëri. Nëse në fëmijëri je kritikuar apo fajësuar, atëherë çfarë ndodh personat gjatë jetës së tyre e përjetojnë këtë emocion. Janë shumë të hapur faktikisht, kjo është një teori që është hedhur nga Karl Jungu, emocionet e fëmijërisë, çdo gjë që nuk e bëjmë të vetëdisjhme ne do ta quajmë fat. Por fat në një farë mënyrë është ajo që ne lëmë në të pandërgjegjshme.
