Me emocione të forta, ritëm dhe shumë duartrokitje është mbyllur spektakli i kësaj të hëne Albania’s Got Talent në ekranin e mbarë shqiptarëve, televizionin kombëtar Vizion Plus.
Një spektakël i moderuar nga Isli Islami dhe nën gjykimin e virtuozëve Agron Llakaj, Adelina Ismajli, Ledina Çelo dhe Kastro Zizo.
12 talente dhanë më të mirën e tyre përballë jurisë, por asnjëri nuk mundi të rrëmbente “Golden Buzzer”-in.
Një mbrëmje talentesh, nga 13 deri në 65-vjeç. Një gjeni si Laert Alikaj në gjentjen e datave, një ëndërr e papërmbushur si ajo e Aziz Bitrit dhe emocionet e dhuruara nga bateristë, kërcimtarë e këngëtarë mbajtën të mbërthyer para ekranit të Vizion Plus qindra mijëra familje shqiptare.
Albania’s Got Talent rikthehet sërish të hënën e ardhshme në Vizion Plus, me të tjerë talente dhe të tjera emocione.
