Pranimi i fajit për rryshfet nga Ixhet Memeti, së bashku me gjyqtarin e Gjykatës së Lartë, Naqe Georgiev, konfirmon korrupsionin e pariparueshëm dhe të thellë në sistemin e drejtësisë, thonë nga koalicioni VLEN.
Sipas tyre, vettingu I BDI-së është farsë, kurse zotimet e tyre për drejtësi janë gënjeshtër.
“Pranimi i fajit nga z. Memeti, së bashku me gjyqtarin e Gjykatës së Lartë, z. Naqe Georgiev, për ryshfet prej 10 mijë eurosh, me qëllim uljen e dënimit të ish kryetarit të komunës së Novosellës, z. Boro Stojçev është një dëshmi e hidhur e uljes së mëtejshme të besimit të qytetarëve në sistemin e drejtësisë. Prokuroria “Abazi” për të shpëtuar kokën ka vendosur të bëjë një marrëveshje me këta persona, duke lehtësuar procedurat dhe dënimet e tyre, ndërsa organet e drejtësisë e kanë pranuar “marrëveshjen” me të njëjtën indiferencë dhe mungesë morali”, tha Fari Iseni nga VLEN.
Të pyetur nëse janë për shkarkimin e Këshillit të Prokurorëve, ashtu siç kërkon VMRO-DPMNE-ja, nga VLEN thonë se organet e drejtësisë duhet të veprojnë pa ndikime politike.
“Qëlimi jonë si koalicion VLEN është të krijojmë kushte të nevojshme që, si prokuroria, si gjyqësori të kemi kushte optimale për të ndjek, për të bërë hetuesin dhe për të sjell aktgjykime në bazë të fakteve, në bazë të dëshmive, pa ndikime politike”, u shpreh Iseni.
Kryeministri Mickoski paralajmëroi shkarkimin e Këshillit të Gjyqësor dhe Këshillit të Prokurorëve Publik gjë që kundërshtohet nga BE-ja.
Nga 40 rekomandimet e Misionit vlerësues të BE-së nuk parashihet shkarkimi i Këshillit, por se BE-ja është kundër kësaj mase I drejtpërdrejtë ishte Ambasadori I BE-së, Dejvid Gir, I cili potencoi se kjo do të thotë përzierje në pavarësinë e gjyqësorit që do të shkaktojë shqetësime.
VLEN: Pranimi i fajit nga Memeti dhe Georgiev dëshmi për uljen e besimit të qytetarëve! appeared first on Telegrafi.