Koalicioni VLEN ka uruar të gjithë besimtarët e fesë islame me rastin e festës së Kurban Bajramit.
Në urimin e VLEN-it thonë se kjo festë na mëson se njeriu është mbi të gjitha.
Urimi i plotë:
Në këtë ditë të madhe besimi e sakrifice, VLEN u përcjell urimet më të përzemërta të gjithë besimtarëve myslimanë me rastin e Kurban Bajramit.
Kjo festë nuk është thjesht therje kurbani. Është gjak i bagëtive që bie për të kujtuar sakrificën, përkushtimin ndaj Zotit dhe kujdesin për njeriun. Është një thirrje e fuqishme për të mos harruar të varfrit, jetimët, të vetmuarit e të harruarit nga shoqëria. Bajrami është mundësi për të ndarë jo vetëm mishin, por edhe dashurinë, kujdesin, respektin.
Në një shoqëri që shpesh nxit egoizmin dhe harresën për tjetrin, Kurban Bajrami na mëson se njeriu është mbi gjithçka. Dhe pikërisht këtë besim bartim edhe ne si VLEN, përkushtimin ndaj njeriut, pavarësisht prejardhjes, pozitës apo mundësive.
Angazhimi ynë është që asnjë tryezë të mos mbetet bosh, asnjë zë të mos mbetet i padëgjuar dhe asnjë dorë e zgjatur të mos mbetet pa përgjigje. Këtë e kërkon feja, kjo është përgjegjësia jonë njerëzore, dhe ky është premtimi ynë politik.
Gëzuar Kurban Bajramin me zemër të pastër, me dorë të hapur dhe me besim të palëkundur në të mirën!
VLEN: Festa e Kurban Bajramit na mëson përkushtimin ndaj njeriut, pavarësisht prejardhjes, pozitës apo mundësive appeared first on Telegrafi.
