Nga koalicioni opozitar shqiptar VLEN abuzojnë liderin e BDI-së, Ali Ahmetin se është frikësuar të garojë me Arben Taravarin për president dhe se po përçanë votën shqiptare.
“Deklarata e Ali Ahmetit për kinse “lajmin e madh“, konfirmon së paku dy gjëra. E para, që BDI është parti pa ide e cila me veprime ad hoc shfaq pafuqi të plotë për t’i përfaqësuar shqiptarët në nivel më të lartë politik. Tejet nënçmuese për mitin e Ali Ahmetin është që të paraqitet me teza bajate vetëm e vetëm të konkurroj me propozimin e kandidatit të opozitës së bashkuar shqiptare Arben Taravarit që në të ardhmen zgjedhja e të parit të shtetit të bëhet në Kuvend.
E dyta, ende jetojnë me filmin që ata e kanë monopolin mbi parimin e partnerit strategjik me BE dhe SHBA. Në vend që të mundohen të sqarojnë se pse Ali Ahmeti frigohet të paraqitet në mejdanin dhe ai të garrojë, e për këtë po e sakrifikojnë Bujar Osmanin, le të dalin nga interesat e ngushta partiake dhe le ta mbështetin Arben Taravarin si president i parë shqiptarë”, thonë nga VLEN.
Logjikshëm, thonë nga atje, parashtrohet pyetja: pse BDI po e përçan votën shqiptare? Kujt po i shërben Ali Ahmeti tash?
Koalicioni VLEN, shtojnë nga atje, nuk lufton për shpërblime ngushëlluese, por për rol të ndershëm dhe real të shqiptarëve në jetën politike. Ali Ahmeti nëse nuk është në gjendje të luftoj për interesat e popullit shqiptar, e ndershme është që të shkojë në pension politik./Telegrafi/
VLEN: Ahmeti i iku ballafaqimit me Taravarin, BDI po përçanë votën shqiptare appeared first on Telegrafi.
