Procesi i legalizimit të objekteve të ndërtuara pa leje në komunën e Dibrës ballafaqohet me moskompletimin e dokumenteve për një pjesë të madhe të lëndëve. Duke marrë parasysh se komuna Dibër është një komunë me migrim masiv, numri i lëndëve të zgjidhura në sferën e legalizimit ngec. Vitin që kaloi është bërë legalizimi vetëm i 23 objekteve. Si problem kryesor paraqiten problemet në sferën e marrëdhënieve juridiko-pronësore.
Në sektori në Komunën Dibër informuan se kanë ngelur pa u zgjidhur 478 lëndë të cilat janë në procedurë, meqë sipas burimit të njëjtë lëndët nuk janë të kompletuara sidomos në dokumentacionin që ka të bëjë me marrëdhëniet juridiko-pronësore të shtëpive për banim. Duke analizuar situatën përfaqësuesit e këtij sektori pranë komunës Dibër, thonë se viteve të fundit ka një ngadalësim të legalizimeve meqë një pjesë e madhe e dibranëve kanë migruar si në SHBA ashtu edhe në shtete të Evropës. Pikërisht prandaj kanë ngelur pa u kompletuar kërkesat për legalizim meqë mungojnë dokumentet që duhet t’i dorëzojnë ata që kërkojnë legalizime.
“Vitin që kaloi janë legalizuar 23 objekte të cilat si lëndë kanë qenë të kompletuar. Kjo flet qartë për uljen e interesimit për të kompletuar dokumentet edhe pse të punësuar në sektorin e urbanizmit pranë komunës Dibër kanë ndërmarr të gjithë aktivitetet për tu ndihmuar atyre që sjellin kërkesa për legalizim. Vala kryesore e legalizimeve ka qenë deri para pandemisë Kovid-19. Me paraqitjen e pandemisë ulet edhe numri i mërgimtarëve të cilët vijnë në vendlindje. Prezenca e mërgimtarëve në vendlindje deri vonë mundësonte që nëpërmjet institucioneve kompetente familjarët të bëjnë dhe t’i kompletojnë dokumentet”.
Në bisedën që patëm me disa mërgimtarë tanë që aktualisht janë në Dibër u informuam se ardhja e tyre në vendlindje shfrytëzohet edhe për kompletimin e dokumenteve pronësore-ekonomike. Arsim. V. jeton në Gjermani dhe këto ditë meqë gjendet në vendlindje së bashku me dy vëllezërit e tij kanë përfunduar proceset institucionale që i takon ndarjes së pasurisë të patundshme, respektivisht shtëpisë individuale. Tani siç thotë ai, janë dorëzuar këto dokumente dhe faktikisht është kompletuar kërkesa. Por, është qartë se numri më i madh i mërgimtarëve ka ngelur pa me i kompletuar dokumentet dhe tani anëtarët e familjes kanë problem me kompletimin e dokumenteve.
Shumë dokument kanë ngelur pa u kompletuar dhe prandaj në sektorin për urbanizëm pran komunës Dibër shpesh herë kanë apeluar tek popullata dibrane që është në mërgim gjatë prezencës së tyre të kompletojnë dokumentet me qëllim që të përfundoj procesi i legalizimit. Edhe gjatë bisedës që patëm këto ditë në pushtetin vendor në sektorin në fjalë, na informuan se kontaktojnë pothuajse me të gjithë ato që kanë bërë kërkesa që urgjentisht të bëjnë kompletimin e dokumenteve pa të cilët nuk mund të kryhet legalizimi./Koha.mk/
Vetëm 23 legalizime në Dibër appeared first on Telegrafi.