Ministri i Bujqësisë, Pylltarisë dhe Menaxhimit të Ujërave, Cvetan Tripunovski sot në Prilep do të mbajë takim pune me Unionin e Mbarështuesve të Deleve dhe përfaqësues të shoqatave, ku do të diskutohet për gjendjen aktuale në sferën e blegtorisë dhe blerjes së qengjit.
“Deri më tani janë blerë dhe therur rreth 100.000 qingja. Çmimi me të cilin aktualisht blihet qengji është rreth 280 denarë, që është shumë më i lartë se vitin e kaluar. Në periudhën e ardhshme do të vazhdojë blerja e qengjit”, sqaroi ministri.
Ministri Tripunovski tregoi se sot me shoqatat do të bisedojë për aktivitetet e ardhshme të kësaj dege blegtorale.
“Sipas premtimeve që u janë dhënë mbarështuesve të deleve, ne kemi paguar subvencionet për një krerë dele, të cilat janë për vitin 2025, gati mbi një miliard denarë. Me këtë praktikisht e mbyllim pagesën për këtë degë blegtorie”, theksoi ai.
Ministri Tripunovski theksoi se vëmendje serioze po i kushtohet promovimit të blegtorisë në vend.
