Në 110 ditët e kaluara nuk kemi parë asnjë optimizëm për vendin, por pesimizëm, në vetëm 110 ditë me qeverisjen e re të OBRM-PDUKM-së jemi kthyer aq shumë prapa, sa nuk e kanë lënë rrugën drejt BE-së, ne jemi, jo më as me Shqipërinë, deklaroi deputetja e LSDM-së Jovana Trençevska.
Trençevska për “TV24” tha se LSDM nuk do të jetë frenues, siç ishte OBRM-PDUKM, në rrugën evropiane të Maqedonisë, por do të kundërshtojë çdo manipulim të pushtetit.
Qeveria, shtoi ajo, ka obligim të paraqesë planin se si do të vazhdojë rruga evropiane apo të thotë se cila është alternativa.
“Ne si LSDM bëjmë thirrje për një seancë të mbyllur për të diskutuar për të ardhmen evropiane, që zëvendëskryeministri për çështje evropiane dhe kryeministri të japin një raport dhe të shohim se si do të veprohet”, theksoi Trençevska.
Deputetja Trençevska përkujtoi se LSDM-ja e përfundoi skriningun dhe do ishte një sukses i madh dhe nëse OBRM-PDUKM nuk do të kishte qenë frenues në rrugën evropiane në periudhën e kaluar, nëse do të miratoheshin ndryshimet kushtetuese, tani do të kishim ecur përpara me Shqipërinë, tani do të kishim pasur një konferencë të dytë ndërqeveritare, në të cilën do të fillonin negociatat për kapitullin e parë./Telegrafi/
Trençevska: Në vetëm 110 ditë qeveria e re na ktheu mbrapa, Shqipëria tashmë është përpara nesh në rrugën drejt BE-së appeared first on Telegrafi.
