Deputetja e LSDM-së Jovana Trençevska, sot në Komisionin për Financim dhe Buxhet tha se Qeveria në vend që të manipulojë rritjet prej 5 për qind, duhet të përmbushë detyrimet e saj nga kontrata kolektive, ku sipas saj, duhet të arrihet një rritje reale e pagave të punëtorëve.
“Ajo që është evidente është se nëse ndonjë qeveri njihet me rritjen e pagave në sektorin publik dhe privat, ajo është qeveria e LSDM-së. Rritëm pagën minimale nga 8000 denarë, aq sa e la OBRM-PDUKM. Paga minimale sot është 22,500. Pagën mesatare prej 22 mijë që nga viti 2016 e kemi sjellë në rreth 41 mijë, por tani qeveria e paaftë e OBRM-PDUKM-së e ka ulur pagën mesatare për një mijë denarë”, tha Trençevska.
Ajo kujtoi se në kohën e LSDM-së ka pasur rritje të dukshme të pagave, shëndetësisë dhe arsimit.
“Në vitin 2016, paga e mësimdhënësve në arsimin e mesëm ishte 21.950 denarë, ndërsa në shtator 2023 ishte 35.200 denarë. Në arsimin e lartë, nëse paga bazë e një profesori universitar ishte 36.211, tani është 81.783 denarë. Edhe në arsimin fillor, ku paga është rritur nga 21.100 denarë në 33.640 denarë”.
“Qeveria duhet të respektojë detyrimet e kontratës kolektive, dhe jo të manipulojë. Me koeficientin e kompleksitetit, deri në fund të vitit duhet të lidhet një marrëveshje ndërmjet nënshkruesve të Kontratës së Përgjithshme Kolektive për sektorin publik, përkatësisht Qeverisë dhe Lidhjes së Sindikatave. Në kohën kur LSDM ishte në pushtet dhe kur e përgatisim marrëveshjen kolektive kemi vënë klauzolë mbrojtëse që punëtorët të mos dëmtohen dhe të kenë rritje reale të pagës në mars të vitit 2025”, tha Trençevska.
Trençevska: LSDM kërkon rritje të pagave në sektorin publik dhe në arsim appeared first on Telegrafi.
