Tre raste të reja me grip janë regjistruar në vend, duke e çuar numrin në 15 që nga fillimi i vitit.
Dr. Christina Stavridis, epidemiologe nga Instituti i Shëndetit Publik, tha për AIM-n se nga fillimi i vitit përmes sistemit të monitorimit të sëmundjeve infektive janë regjistruar gjithsej 15 raste.
Ministri i Shëndetësisë, Fatmir Mexhiti, në përgjigje të pyetjeve të gazetarëve, më herët ka thënë se do t’ua lë profesionistëve të vendosin se çfarë masash do të ndërmerren në lidhje me gripin.
“Nuk jam unë ai që pyet, konsultohem me të gjithë. Në seancën e Komisionit për Sëmundjet Infektive do të diskutohet për situatën. Aty ka profesionistë të lartë, unë jam neurolog. Do t’ua lë profesionistëve që janë në atë komision të vendosin se si do të veprohet. Por ajo që premtoj dhe çfarë kam pohuar deri më tani, situata është nën kontroll dhe monitorojmë të gjitha kushtet shëndetësore, jo vetëm për sëmundjet infektive. Tashmë është muaji shkurt, këtyre viruseve dhe gjendjeve të tjera që përkeqësojnë shëndetin e pacientëve do t’u vijë fundi”, tha Mexhiti, i pyetur nëse nesër do të kërkojë nga Komisioni për Sëmundje Infektive që të shpallet epidemi në Shkup.
Kryetari i Komisionit për Sëmundje Infektive, Aleksandar Petliçkovski, muajin e kaluar në një deklaratë për MPB-në tha se kulmi i gripit dhe viruseve të tjera të ngjashme pritet në fund të shkurtit.
Tre raste të reja me grip në Maqedoni, gjithsej 15 që nga fillimi i vitit appeared first on Telegrafi.
