Ministri për Çështje Evropiane i Republikës së Maqedonisë së Veriut, Orhan Murtezani, në kuadër të vizitës dyditore pune në Madrid, u takua me Sekretarin Shtetëror për Bashkimin Evropian në Ministrinë e Punëve të Jashtme të Spanjës, Fernando Mariano Sampedro.
Bashkëbiseduesit shprehën kënaqësi të ndërsjellë për marrëdhëniet e shkëlqyera bilaterale, të bazuara në vlerat e përbashkëta demokratike, anëtarësimin në NATO dhe respektin e ndërsjellë.
Murtezani përshëndeti mbështetjen e vazhdueshme dhe parimore të Mbretërisë së Spanjës për perspektivën evropiane të vendit dhe rajonit të Ballkanit Perëndimor. Theks i veçantë në diskutime u vu në mbështetjen për hapjen e Klasterit 1 (Vlerat Themelore), si hapi radhës në procesin e aderimit, pas përfundimit me sukses të skriningut për të gjitha klasteret sipas metodologjisë së rishikuar. Murtezani informoi për zbatimin aktual të Agjendës së reformave 2024-2027 dhe aktivitetet lidhur me Planin e rritjes së BE-së për Ballkanin Perëndimor, veçanërisht në drejtim të digjitalizimit dhe tranzicionit të gjelbër, sundimit të së drejtës, bashkëpunimit rajonal dhe rezistencës ekonomike.
Murtezani gjithashtu theksoi rëndësinë e mbështetjes së mëtutjeshme spanjolle për parimin e meritës dhe jo-politizimin e procesit të aderimit, duke pasur parasysh sfidat e mundshme rajonale nëse procesi evropian do të bilateralizohej. Në takim u gjithashtu u shqyrtuan mundësitë për avancimin e bashkëpunimit bilateral, veçanërisht në ekonomi, energjetikë, mbrojtje, kulturë dhe arsim”, informoi Ministria dikasteriale.
Sampedro dhe Murtezani diskutuan edhe për tema të rëndësisë rajonale dhe globale, duke përfshirë mbështetjen e Maqedonisë së Veriut për Ukrainën, pozitat lidhur me konfliktin në Lindjen e Mesme dhe stabilitetin rajonal të Ballkanit Perëndimor. Në këtë kontekst, Ministri përshëndeti angazhimin e Spanjës në kuadër të Procesit të Berlinit dhe mbështetjen e saj për integrimin e rajonit në union.
Murtezani riafirmoi angazhimin e fuqishëm të Maqedonisë së Veriut për anëtarësim në BE dhe shprehu pritje se me mbështetjen të mëtejshme nga Spanja, procesi do të vazhdojë me intensitet të shtuar.
Murtezani i bëri ftesë Sekretarit Shtetëror Sampedro për vizitë në Shkup, me qëllim të vazhdimit të dialogut dhe thellimin e mëtejshëm të bashkëpunimit.
Takimi Murtezani-Sampedro: Maqedonia e Veriut e angazhuar për anëtarësim në BE appeared first on Telegrafi.
