Në kuadër të Forumit Parlamentar Ekonomik të APM-së në Marrakesh, Mbretëria e Marokut, Kryetari i Kuvendit të Republikës së Maqedonisë së Veriut, Afrim Gashi, zhvilloi takim dypalësh me Kryetarin e Dhomës së Lartë të Parlamentit të Marokut, Mohamed Old Erashid. Takimi, siç informoi pres shërbimi i Kuvendit, u zhvillua në atmosferë të përzemërt dhe miqësore, me angazhim të ndërsjellë për të thelluar bashkëpunimin midis dy institucioneve parlamentare dhe për të forcuar marrëdhëniet dypalëshe midis dy vendeve.
“Kryetari Gashi shprehu mirënjohje të sinqertë për pritjen e ngrohtë, duke theksuar se Maqedonia e Veriut dhe Mbretëria e Marokut kanë marrëdhënie miqësore dhe të respektueshme, me potencial të konsiderueshëm për avancimin e tyre në nivel më të thellë strategjik. Në këtë kontekst, ai theksoi rëndësinë e ratifikimit të Marrëveshjes për Heqjen e Ndërsjellë të Vizave për Bartësit e Pasaportave Diplomatike, Zyrtare ose Speciale, si dhe mundësinë e themelimit të grupeve dypalëshe të bashkëpunimit midis dy parlamenteve, të cilat luajnë rol vendimtar dhe janë ura lidhëse midis popujve” theksohet në kumtesë.
Edhe pse gjeografikisht të largëta, tha Old Erashid, Maqedonia e Veriut dhe Maroku kanë potencial të vërtetë për bashkëpunim ekonomik dhe transparencë ndaj organizimit të forumeve dhe takimeve të biznesit, veçanërisht në sektorët e tillë si burimet e rinovueshme të energjisë, bujqësia dhe teknologjia.
“Gjithashtu, nga ana e Kryetarit Old Erashid u theksua rëndësia e ndërtimit të urave – nismave kulturore, që synojnë thellimin e mirëkuptimit të ndërsjellë dhe miqësisë midis brezave të ardhshëm”, shtohet në kumtesë.
U propozua që të dy vendet të thellojnë bashkëpunimin në kuadër të bashkëpunimit parlamentar shumëpalësh me fokus në sfidat globale, siç janë migrimi, ndryshimet klimatike, etj.
“Pres me padurim të vazhdojmë këtë bashkëpunim të frytshëm dhe të ndërtojmë lidhje më të forta institucionale midis parlamenteve tona”, tha Kryetari Gashi, duke i bërë ftesë Old Erashidit për të vizituar Shkupin në të ardhmen e afërt.
Takimi Gashi-Mohamed Old Erashid: Maqedonia e Veriut dhe Maroku kanë potencial të vërtetë për bashkëpunim ekonomik appeared first on Telegrafi.