Përfaqësuesit e disa sindikatave u takuan me Kryetarin e Komisionit për Çështje Evropiane, Bojan Stojanovskin, dhe me propozuesit e ndryshimeve në Ligjin për Marrëdhëniet e Punës, Bekim Sali dhe Daniella Belimovën. Në takim u diskutua ulja e përqindjes së përfaqësimit të sindikatave nga 10% në 5%.
Stojanovski tha se po demokratizojmë dialogun në Këshillin Ekonomik dhe Social dhe po lejojmë që më shumë punëtorë të përfaqësohen.
“Do ta propozojmë ligjin për një procedurë të shkurtuar për diçka që është rënë dakord me konsensus në një seancë të mëparshme të këshillit social, për të ulur përqindjen e përfaqësimit nga 10 në 5 përqind. Ne besojmë se kjo do të demokratizojë përfaqësimin e sindikatave në këshillin ekonomik dhe social. Dhe do të krijojë mundësi që më shumë sindikata të përfaqësojnë punëtorët, më shumë sindikata dhe më shumë punonjës do të përfshihen në këshillin ekonomik dhe social”, tha Bojan Stojanovki, kryetar i Komisionit për Çështje Evropiane.
“Deputetët në kuvend propozojnë një zgjidhje të mirë ku përfaqësimi është ulur në 5% në atë mënyrë më shumë sindikata do të përfshihen në Këshillin Ekonomik Social. Ajo ofron një zgjidhje më cilësore, për dialog më cilësor social dhe mendoj që Maqedonia do t’i arrijë të drejtat demokratike në lëvizje”, u shpreh Marjan Risteski, kryetar i Konfederatës së Sindikatave.
Stojanovski: Diskutuam për uljen e përfaqësimit të sindikatave nga 10% në 5% appeared first on Telegrafi.