Presidentja Gordana Siljanovska-Davkova sot në vilën “Biljana” në Ohër ka takuar ministrin e Punëve të Brendshme Pançe Toshkovski, me ç’rast është biseduar për reagimin e institucioneve ndaj zjarreve në vend gjatë kësaj vere.
Siç kumtoi kabineti i Toshkovskit, , i përbashkët ishte konstatim se koordinimi mes policisë dhe ushtrisë, veçanërisht për shuarjen e zjarreve në pjesën juglindore të vendit, ishte në nivel jashtëzakonisht të lartë, gjë që ndihmoi shumë në përballjen e zjarrit.
Në këtë drejtim, ministri Toshkovski dhe presidentja Siljanovska-Davkova diskutuan për reformat e planifikuara në krijimin e një sistemi modern dhe efikas të menaxhimit të krizave, i cili do të përgjigjet shpejt dhe me efikasitet në të gjitha situatat e krizës.
Ministri e informoi presidenten për gjendjen e sigurisë në vend, për veprimet aktuale operative, veçanërisht në qytetin e Shkupit, si dhe për përkushtimin e policisë për ruajtjen e sigurisë së të gjithë qytetarëve tanë.
Siljanovska Davkova – Toshkovski: Koordinim i shkëlqyer ndërmjet policisë dhe ushtrisë në shuarjen e zjarreve appeared first on Telegrafi.