Çmimi me pakicë i vajit ekstra të lehtë për amvisëri (EL-1) nga mesnata do të rritet për dy denarë për litër, ndërsa çmimi i derivateve të tjera do të mbetet i njëjtë, vendosi sot Komisioni Rregullator i Energjetikës, Shërbimeve të Ujit dhe Shërbimeve të Menaxhimit me Mbeturinat Komunale (KRRE).
Me vendim kryhet rritja e çmimeve me pakicë të derivateve të naftës me një mesatare për 0,59 për qind krahasuar me vendimin e djeshëm.
Çmimi i ri me pakicë i vajit ekstra të lehtë për amvisëri (EL-1) është 69,5 denarë për litër, EUROSUPER BS – 95 do të vazhdojë të shitet për 73,5, EUROSUPER BS – 98 për 75,5, ndërsa EURODIZELI BS (D-E V) për 70 denarë për litër.
Nga KRRE-ja potencojnë se çmimet referuese të derivateve të naftës në tregun botëror, krahasuar me llogaritjen e mëparshme, rritje është vërejtur tek benzina mesatarisht për 3.480 për qind, tek nafta për 1.760 për qind, 5.965 për qind për vajin ekstra të lehtë dhe tek mazuti për 3.830 për qind. Kursi i këmbimit të denarit kundrejt dollarit, krahasuar me llogaritjen e mëparshme, është më i ulët për 0.0496 për qind.
