Pranvera është stina e gjelbërimit, e luleve, me pak fjalë stina e gjallërisë, andaj qytetarëve sa herë që ju jepet mundësia – largohen nga ambientet që ngufasin dhe dalin në natyrë për të kaluar kohë. Por jo rrallë herë kjo dalje ka edhe anën e mirë të saj, sepse vendet e tilla njihen për prani të insekteve e veçanërisht rriqrave. Nga reparti infektiv i Spitalit të Gostivarit bëjnë me dije se nëse brenda një viti pesë pacientë kafshoheshin nga rriqrat, tash situata ka ndryshuar, tash çdo të pestën ditë paraqitet nga një rast. Këtë e konfirmon dhe udhëheqësi I repartit infektiv në Spitalin e Gostivarit, Ratko Naumovski.
“Deri më tash kemi 7 deri 10 persona të kafshuar nga rriqrat, që nuk është ndonjë numër i madh, por presim që ky numër të rritet gjatë periudhës së ardhshme, sidomos gjatë verës. Çdo të katërtën apo të pestën ditë vijnë njerëz të kafshuar nga rriqrat. Ato fillimisht drejtohen në njësinë urgjente apo në rastet më delikate në repartin e kirurgjisë ku ju nxirret paraziti nga trupi, e pastaj vijnë këtu në repartin infektiv ku intervenojmë me antibiotikë dhe antitetanus. Mirëpo, fatmirësisht deri më tani nuk kemi pasur raste të komplikimit të gjendjes shëndetësore të pacientit si pasojë e këtyre kafshimeve, por me rritjen e temperaturave – rritet rreziku andaj dhe gatishmëria për t’u mbrojtur nuk duhet të mungoj”, thotë Naumovski.
Ajo që duhet të potencohet është rreziku që mund të sjellin këto insekte në transmetimin e disa sëmundjeve infektive nëse janë bartës të asaj sëmundje të fituar gjatë kafshimit të personit të infektuar dhe pse këto raste. Edhe pse këto raste janë të rralla ne qytetin e Gostivarit rastet e fundit janë regjistruar në vitin 2012 ku janë regjistruar dy raste të karakterit më të rëndë të sëmundjes. Megjithatë apeli I mjekëve për kujdes mbetet në fuqi.
“Gjatë kafshimit të rriqrave nuk ka asnjë lloj simptome, andaj gjatë kthimit në shtëpi personi duhet të kontrolloj teshat që I ka pasur të veshura dhe të kontrolloj gjithë trupin. Nëse konstatojnë se kanë ndonjë rriqër në trup duhet të paraqiten te spitali më i afërt ku do të largohet insekti me mjete sterile. Njerëzit shpesh mundohen që vet t’i largojnë parazitët me mjetet shtëpiake të pasterilizuara mirë, dhe ky është një veprim i gabuar, sepse mund të shkaktohet një infeksion shumë më i rëndë që rrezikon të arrij deri në tru”, deklaron Naumovski.
Apeli i tij për qytetarët që vendosin të kalojnë kohë në natyrë është që tu ikin hapësirave me kullosa të larta, të vishen në atë formë që të mos i kenë të ekspozuara pjesët e trupit, por dhe të shfrytëzojnë preparate të tjera mbrojtëse, me të cilat bëhet spërkatje e lëkurës dhe veshmbathjes me qëllim që të evitohet çdo mundësi e depërtimit të rriqrave në trupin tonë. (koha.mk)
Shtohen pickimet nga rriqrat në RMV, mjekët apelojnë për kujdes appeared first on Telegrafi.
