Hipokrizia e OBRM-PDUKM-së shihet në faktin se publikisht po derdhin lot për problemin që kanë qytetarët me nxjerrjen e pasaportave dhe nga ana tjetër po nxjerrin pasaporta me emrin e ri kushtetues të shtetit, shembull tipik i sjelljes së kësaj partie, tha anëtari i I LSDM-së, Petre Shilegov.
“Jovan Jaulevski, Toni Jarevski, Aleksandar Veljanovski, Mirce Axhieski, Aleksandar Nikollovski, Dragan Kovaçki, Ivanka Vasilevska, Mile Levkov, Bojan Stojanovski, Toni Jarevski, të gjithë këta deputetë të OBRM-PDUKM-së kanë nxjerrë pasaporta diplomatike me emrin e ri kushtetues të shtetit Republika e Maqedonisë së Veriut.
Në të njëjtën kohë kur rrejshëm po derdhin lot për qytetarët, për vete dhe familjarët e tyre sigurojnë pasaporta me emrin e ri kushtetues të Maqedonisë së Veriut. OBRM-PDUKM po abuzon me hallin e njerëzve”, tha Shilegov.
Shilegov shton se në kurriz të shtetit, në kurriz të shoqërisë, OBRM-PDUKM vazhdimisht krijon probleme, për pikë politike./Telegrafi/
Shilegov: Hipokrizia e OBRM-PDUKM-së shihet në faktin se deputetët e tyre nxjerrin pasaportat me emrin e ri kushtetues appeared first on Telegrafi.
